منتدى •~ أميرات الأحلام•~


هنا حلم كل أميرة•~  
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قصة تموت من الضحك

اذهب الى الأسفل 
كاتب الموضوعرسالة
أميرة الأحلام
أميرة الأحلام الكبرى•~ ْ المديرة
أميرة الأحلام الكبرى•~ ْ المديرة
avatar

|| عدد مشآآركاتي ♥ : 485
ْ•.الجنس.•ْ : انثى
ْ•.|| آلعمرـرـر ♥.•ْ : 21
ْ•.الوظيفة.•ْ : طالبة
ْ•.|| تآريخ تسجيلي بآلمنتدى ♥ :•ْ : 03/06/2008

مُساهمةموضوع: قصة تموت من الضحك   الأربعاء يونيو 04, 2008 3:26 am

حصه وهيله ومنيره .. ثلاثي بنوووتي في بيت واحد.,, هذولي خوات ساكنين ببيت ابوهم بعد ماتوفى ومالهم في الدنيا غير هالبيت وراتب ابوهم التقاعدي..,, ومقطوعين من شجره!!

حصه: الاخت الكبيره..يلقبونها وزارة الداخليه..موظفه في احد البنوك..راتبها على قد وظيفتها..عمرها في حدود الاربعين..تعتبر اعقلهم..سنعه..شخصيتها قويه..

هيله: الاخت الوسطى .. متخرجه من معهد كمبيوتر وجالسه في البيت..تلقب بأم لسانين.. عربجيه بقوووه..تكره التنانير وتمووت على سراويل السنه وفنايل العلاقي..عادي تستهبل مع جيرانهم وتنسم كفرات سياراتهم..كانت تلبس مريولها وتلبس تحته ترنق ابو خطين على جنب غير ال**يريه(وانتم بكرامه)..تموووت على شي اسمه مقالب..ماتصدق تلقى خنفسان او صوارير تاخذهم وتحطهم بدرج اختها.. باختصار كانت ولد الا حبتين!!

منيره: الاخت الصغرى..تدرس في الثانوي..شايفه عمرها على خواتها لانها الصغيره..تلقب نفسها بـ : ميمي

منيره وحصه وهيله..جالسين بالصاله عند التليفزيون..يشربون شاهي مع كراث وفصفص والجلسه عسسسل.. وسوالييييف على كيف كيفكم..,,

حصه: منااير..وش بتس ياقلبي..؟! وراتس تقل ضايقن صدرتس اليوم؟!
منيره: الحين ورانا حنا كذا..؟! كل زميلاتي يسافرون بالصيف برا وينبسطون وانا ماعمري تعديت حدود بيتنا .. ودي اسافر مثلهم..لا تحسسسونن بالنقص!!

حصه: وين تبينا نروح طيب؟ ومع مين؟ من بيسنعنا .. ومن وين لنا مصروف يكفي!! انتي تحسبين المسأله سهله!!

هيله: هع هع جيبي مدرس رياضيات يحل لك المسأله!!

منيره: بدل ماتستخفين دمتس دوري لنا حل!! الله يخليكم ودي اسافر!!
حصه..هيله..متى تتطورون؟! الناس وصلوا المريخ وحنا سوريا ماوصلناه!!

حصه: حنا ماعلينا من غيرنا..السفر ماهووب سهل!!

هيله: اذا على الفلوس راتب ابوي مع راتبتس يكفون..واذا على المحرم ماعليتس ارقدي وامني انا عن ألف محرم!! صدزز ليش حارمين انفسنا مادام اننا نقدر.؟!

منيره: ايه خلاص ياحبيلس خلينا نروح!!
حصه: طيب وين..؟!
هيله: قوه لألمانيا تكفوووون..عشان اتابع كاس العالم!!
منيره: اقووول اووص انتي..انا اقوول قوه للبنان..عشان مانتعب انفسنا انجليزي ولا شي..اخواننا عرب..ومنه نروح نلعب بأشكالنا شووي انا اصير زي إليسا وحصه زي باسكال وانتي مثل نانسي!!
هيله: ووووع مالقيتي الا ذولي من زينهن..انا ازين منهن!
حصه: اقوول اهجدي انتي وياه..فرضا بنروح للبنان..من بيحجز لنا ومن بيستقبلنا ووش عرفنا بالاماكن والسكن ووووو
منيره: خلوا كل شي علي .. انا بسأل زميلاتي ..بس انتم قرروا!!
حصه: والله اني خايفه...خلون افكر!!
منيره: ياحبيلس يالحصي تكفيييييييييييين ودي لو مره بحياتي استانس(وكان لهذه الكلمه وقع شديد في نفس الحصي)..!!


بعد اسبوع..نزلت الحصي على البنات بالصاله.....
حصه ومعها ورقه تقرا منها:
بسم الله الرحمن الرحيم..اما بعد..بعد مناوشات ونقاشات وتكتيكات وتفكيرات متلازمه..قررنا نحن(حصه العلي)..السفر خارج المملكه ولكن بشروط سنسردها كالتالي:
1/ الميزانيه تكون بيدي..وسوق لا تفكروون تروحون,,
2/ مسألة الكشف شيلوها من راسكم,, لو تعضين الارض ماخليتس تطلعين خشتس لأحد,,
3/ السفر لمدة اسبوع فقط,,
4/ الاقتصاد بالاكل والشرب,,
5/ ان هيله تترك عنه اللقافه وطولة اللسان,,
6/ ان كلمتي هي اللي تمشي..واي قرار اتخذه هناك ينفذ بلا نقاش,,
هذا ولو تم تجديد في الشروط السابقه فيلزم الاطراف التقيد بها..والا:
اقعدوا هنا وانثبروا ..,,
هيله ومنيره بصوت واحد: لالالا خلاص اللي تبينه بيصير!!


وبدأت هيله ومنيره والحصي بتجهيز أغراض السفر..
هيله: اقول مناير,,وش رايتس اخذ لبس كشخه..ولا كله ترنقات وقمصان؟!
منيره(بغت تجيه سكته قلبيه)وش قمصانه انتي ووش ترنقاته..تبينهم ينزلوننا من الطياره!!
الله يفشل العدوو خوذي احسن لبس نبي نروح نكشخ هناك حنا مووب اقل من غيرنا..!!
هيله: اندري..انا اقول محد يعرفنا..يعني احس اني باخذ راحتي هناك,,
حصه: وش دعوه عاد انتي مقصره هنا..اقوول تراي شارطه عليكم ولا ترى بهوون!!
هيله: لالا خلاااااص وه بس وانتي حبحر محد يقولس شي ..كنت امززح معس يا اخيتي,,
حصه:خلي مزحس ذا بوقت ثاني..وخلصي ترى بكره الساعه 8 لازم نصير بالمطار,,

منيره: اقول هلووو..تكفين عطين الكاميرا حقتس ودي اخذها معي..!!
هيله: اقول طسي بذااك مابقى الا هي..ماعندي غيره من ريحة المرحوم!!
منيره: من زينه الحين..ابيض واسود..لا وبعد مت**ره مابقى به سنتيمتر الا ملصق بشطرطون,,
هيله: ماعليتس .. يكفي انه من ابوي,,
حصه: وبعدين انتي وياه..يالله خلصوا واخمدوا بفرشكم بروح اكمل المطبخ..,,


الساعه..2 بالليل..

هيله: يمااااااااه..,,
منيره: بسم الله الرحمن الرحيم..وش بس وجع هبلتين!!
هيله: ماادري يممااه حلمت حلم يخووف!!
منيره: خير اللهم اجعله خير..وشو؟!
هيله: حلمت ان معنا بالطياره انترتيكر..واني تهاوشت معه وجدعن من الطياره!!
حصه: يوووووووووووووووه وانتم ماتخلون احد ينام براحه!!
منيره: هيله..اغديس نايمه بس. وه ياشين الشهابه من كثر ما تهوجسين بالطياره تحلمين به خخخخ وهذا اللي يشوف مصارعه قبل ينام!!
هيله: وه بس تووبه,,
(ورجع الهدوووء يعم ارجااء المكان)


الساعه..8 a.m

حصه جايه من المطبخ تنااافخ وبيده مغرفه: وقسم بالله ان ماقمتوا اني لا اهون عن السفر..انتم كفوكم تروحون لخرخير وترجعون بنفس اليوم بعد..قووومي انتي وياه يالله!!!

تقوم هلوو وميمي بشين نفس ويتسحبووون للحمام(وانتم بكرامه)..بعد اقل من نص ساعه الكل كان واقف عند باب البيت..

منيره: الحيييييييين بنروح للبنااان وتبيني اروح للمطار بليموزين؟!!! انا منااير اخر عمري اركب ليموزين؟!
هيله: أي والله صادقه مناير..المفروض استاجرنا دينّا 2005 عشان تودينا..
منيره: تطنزين انتي ووجهتس..اصلا هذا مستواكم..حدكم بيجو 82..
حصه: اقول رجعوا الشناط خلاص..سفر ومانيب مسافره!!
هيله ومنيره: خلاص خلاص أي والله نسكت,,
ركبوا الليموزين وراحوا للمطار..,,
عند البوابه..
الهندي: هدا كمسين ريال عطي..
حصه:وشو خمسين..لا كثير..نزل شويه الله يعافيك!!
هيله: لا احسن حبي راسه..وخري وخري افتح بوجهه خط سريع واحط به نخل بعد!!
حصه: اقوول طسي ادخلي وخلين اتفاهم معه,,
هيله ومنيره في صالة الانتظار..
منيره: ياااااااي شوفي الاشكال الصح .. وااااو واااو شوفي شنطة هذي اللي قدامنا هذي فندي..
هيله: منهو الافندي؟!
منيره: وش افنديه..اقول اسكتي تكفين لا تحومين سبدي!!
وهيله ومنيره استلموا الناس ضحك وتطنز.........................
حصه خلصت التذاكر وحملت الشناط وضبطت كل شي..
حصه: يالله خلونا نركب خلاص نادى علينا,,
منيره: شلون نادى؟ ماسمعت اسمي!!
هيله:هههههههههههههههههااااي يارررربي يالمتطوره تبينه يقول يالله يامنير تعالي اركبي..
حصه ميته من الضحك ومناير تمشي قدامهم من الفشيله.....
وعند البوابه وقبل ما يركبون..
نادى المنادي: الرجاء من الاخت حصه العلي التوجه الى ادارة المطار للضروره وشكرا..
حصه: يمااااه وش السالفه؟!
هيله: اقول اعترفي وش انتي مسويه؟!
منيره: ياررربيه فشلتوووني...روحوا لا تاقفون جنبي ما اعرفكم..,,
هيله: انطمي اويلاااااه حنا وين وانتي وين!!
حصه: الله يستر..,,
مدير الامن: من فيكم حصه؟
هيله: اختار انت وش رايك من اللي تصلح تصير حصه؟!
المدير: تستهبلين انتي؟! ولا مانتب صاحيه؟!
هيله: الا اصحى من امك بعد!!
حصه وبعد قبصه محت*** لهيله: لا انا حصه..سم اخووي وش السالفه؟!
المدير: ممكن اعرف ميولك السياسيه؟!
حصه بعد ان طاحت خشته من هول الصدمه: وشو؟؟ وشلون يعني؟!
هيله: يعني وش تشجعين؟! هلاليه ياحضرة الزاابط
المدير: ترى لو ما سكتي انتي..عيونك ما راح تشوف النور..!!
هيله: صدزز؟ ههههههه احسب مير عندك سالفه..
منيره تسحب هيله برا الغرفه بأمر من حصه....
حصه: والله اخوي مدري وش تقول..وما فهمت قصدك!!
المدير: ممكن تفهمينن عن سبب وجود سكاكين بمختلف الاحجام حاطتها بشنطتك؟!
حصه: هاااو .. وش فيها يعني..انا خفت ناخذ شقه مابه مواعين..قلت اخذ احتياطاتي من هنا
المدير: شايفتن بالروضه تلعبين علي؟! اعترفي وش وراك؟!
حصه: والله العظيم هذا السبب حتى شف الاغراض ماخليت شي بالمطبخ ماجبته!!
وبعد تمطيع حلوووف وايماااان..
المدير: شوفي سكاكينك بتتصادر..وبتوقعين على تعهد..والله يساعدكم ولا تعودين له مره ثانيه!!
حصه: سم وابشر..
..حصه وهيله ومنيره..ركبوا الطياره,,
المضيفه: مرحبااا اهلين وسهلين..شرفتووا..ممكن تعطيني تزكرتك بليز؟! ايه اختي هوون الكرسي تبعك..تفضلي..
حصه ومنيره صاروا جنب بعض..اما هيله طلع مكانها جنب رجال..
هيله: وش تبين انتي!!! وربي ما اقعد هنا لو اتعلق بالجناح!! << اتخيل شكلها متعلقه بالجناح هههههههههههه
الرجال: هههههههههههههههههههههههههههههههههههههههههههههه
هيله: وش تضحك عليه انت ووجهك استح على دمك وجع!!
الرجال: انا اسف!!
هيله: اقول اووص بس!
المضيفه: ماعليه اختي هيدا هو محلك..مو بإيدي انت اجلسي هوون وبعد ما ياخدوا الركاب اماكنهوون فيكي تغيريه!!
هيله: اقوول لو يجي ابوي اللي بقبره يقول اقعدي ما قعدت..ماعلي دبري عمرس! << كفووو والله
الرجال: هههههههههههههههههههههههههههههههههههههههههههههههههه هههههههه
هيله: ضحكت من سرك بلا...خير خيييييير وش تناظر؟! تبين اسوي بوجهك عزيمه؟!
الرجال طاح من الكرسي من الضحك!!
هيله: وتبينن اقعد بعد!! اقووول والله لو اركب مكان الطيار ما قعدت هنا!!
والرجال مازال مستمرا في الضحك المتواااصل
حصه ومنيره لاهين بتقليب القنوات..,,<< والله جاحدات خاينات
سمع المضيف صوت هيله الرناان وجاء يشوف المشكله..
المضيف: خلاص اختي تفضلي اجلسي هناك فيه بالدرجه الاولى مقعد فاضي <<< جاتها على طبق من ذهب
هيله( تقل وده تستحي ): شكرا الله يعافيك..,, << اكيد انها مو صاحيه يوم قالت كذا خخخخخخخخـ
وجلس كل واحد بمكانه..بانتظار اقلاع الطائره الى بيرووووت..,,

بدأت الطائره بالاقلاع..,,
استقر كل من حصه ومنيره بأماكنهن .. أما هيله فقد أخذت لها مقعداً في الدرجة الأولى..,,

وشوية شوية بدأت هيله تتحدث مع السيدة التي كانت قابعة في القرب منها..

- مرحبا ياام الشباب..,, << اموووووووت بالاسلوب ههههههه
- اهليين وسهليين ..
- وش اسمتس انتي؟!
- انا السيده كارول..
- كارول سماحه؟؟ خخخخخخخخخخـ
- لأ شو كارول سماحه!! انا وحده تانيه!!
- ايه ادري.. انتي لبنانيه؟
- أي لبنانيه اصل وفصل
- فصل ولا مقصف خخخخخخخخـ
- باردوون ؟!
- لا حرووون ههههههههااااي
- عفوا ماعم بفهم عليكي..
- لا ولا شي المهم .. انتي موظفه ولا مثلي حاطزه بالدار..؟! << اخلاااق هههههههه
- شو يعني حاطزه؟؟ لا انا سيدة أعمال ,,
- أحححححححححححححححلى ياسيدة الآعمال..!!
- (تبتسم ماتدري وش السالفه )
- وش تشتغلين؟؟ تبيعين غنم ودبش وحركااااااات؟!
- والله ماعم بفهم شو أصدك .. لكن انا بشتغل بالاسهم وهيك بشوف شغلي بالحافظات ويعني هيك شي ?
- حافظات؟؟ ايييييييييييييييييه يعني تطبخين وتبيعين؟!<< هذا حدها مسكينه ههههههه
- إطبخ شووو؟! لا حبيبتي انا عم بشتغل بالاسهم..!
- يعني وشو انا ما اعرف,,
- انا بفهمك .. لكن شو اسمك؟
- انا اسمي هيله .. تقدرين تنادينن الهلّي << ام العربجه!!
- لأ مابدي إلك الهلي .. بدي ناديك هلوو ممكن؟!
- ايه ميخالف.. ان بغيتي نادين سحيله ام الخلاقين..
- ايه حلوو نادين .. خلاص اسمك نادين؟!
- لااااااااااااااااا والله انتس تنكه!! << اقطع ام الميانه اللي كذا هههههههههه
- شو تنكه؟!
- ماتعرفين التنكه؟! << بررررررررريئه ياعالم ,,
- لا مابعرف,
- انا اعلمتس بس انتي علمين وشو شغلتس..

- - - - - - - - - - - - - - - - - - - - - - - - - - - - - - - -

نه طافحه من كثره..!! <


يتبع....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amerat-alahlam.hooxs.com
غريبة المشاعر
مشرفة حلم •~القصص والروايات•~
مشرفة حلم •~القصص والروايات•~
avatar

|| عدد مشآآركاتي ♥ : 84
ْ•.الجنس.•ْ : انثى
ْ•.الوظيفة.•ْ : طالبة
ْ•.|| تآريخ تسجيلي بآلمنتدى ♥ :•ْ : 04/06/2008

مُساهمةموضوع: رد: قصة تموت من الضحك   الأربعاء يونيو 04, 2008 11:19 am

يسلمووو ع القصه للي تموت من الضحك

انتظر الباقي

متحمسه يلا كلمي القصه

تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: قصة تموت من الضحك   الأربعاء يونيو 04, 2008 11:28 am

الله مرررررة حلوة القصه

الله يعطيك العافيه

ان شاء ياربي ماننحرم امنش

تحياتي

ختكم"وردة الحياة
الرجوع الى أعلى الصفحة اذهب الى الأسفل
أميرة الأحلام
أميرة الأحلام الكبرى•~ ْ المديرة
أميرة الأحلام الكبرى•~ ْ المديرة
avatar

|| عدد مشآآركاتي ♥ : 485
ْ•.الجنس.•ْ : انثى
ْ•.|| آلعمرـرـر ♥.•ْ : 21
ْ•.الوظيفة.•ْ : طالبة
ْ•.|| تآريخ تسجيلي بآلمنتدى ♥ :•ْ : 03/06/2008

مُساهمةموضوع: رد: قصة تموت من الضحك   الخميس يونيو 05, 2008 2:51 am

مشكورين على ردودكم تسلمووووووووو cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amerat-alahlam.hooxs.com
كل الحلا
مشرفة حلم•~الألعاب والمسابقات•~
مشرفة حلم•~الألعاب والمسابقات•~
avatar

|| عدد مشآآركاتي ♥ : 176
ْ•.الجنس.•ْ : انثى
ْ•.|| آلعمرـرـر ♥.•ْ : 21
ْ•.الوظيفة.•ْ : طالبة
ْ•.|| تآريخ تسجيلي بآلمنتدى ♥ :•ْ : 04/06/2008

مُساهمةموضوع: رد: قصة تموت من الضحك   الجمعة يونيو 06, 2008 1:45 am

متابعييين القصة بس حطي الجزء

امبا اكملهاا

تحياتـي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dream rose
نائبة المديرة
نائبة المديرة
avatar

|| عدد مشآآركاتي ♥ : 192
ْ•.الجنس.•ْ : انثى
ْ•.|| آلعمرـرـر ♥.•ْ : 20
ْ•.الوظيفة.•ْ : طالبة
ْ•.|| تآريخ تسجيلي بآلمنتدى ♥ :•ْ : 11/06/2008

مُساهمةموضوع: رد: قصة تموت من الضحك   الخميس يونيو 12, 2008 1:24 pm

بصراحة القصة حلوة ومتابعتها 100%
وننتظر الجزء الثاني
تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.pulse-love.mam9.com
أميرة الأحلام
أميرة الأحلام الكبرى•~ ْ المديرة
أميرة الأحلام الكبرى•~ ْ المديرة
avatar

|| عدد مشآآركاتي ♥ : 485
ْ•.الجنس.•ْ : انثى
ْ•.|| آلعمرـرـر ♥.•ْ : 21
ْ•.الوظيفة.•ْ : طالبة
ْ•.|| تآريخ تسجيلي بآلمنتدى ♥ :•ْ : 03/06/2008

مُساهمةموضوع: رد: قصة تموت من الضحك   الأحد يونيو 22, 2008 5:47 am

مسكورين عل المرور وان شاء الله بسرعة احضر الجزء الثاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amerat-alahlam.hooxs.com
 
قصة تموت من الضحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى •~ أميرات الأحلام•~ :: •~الحلم الأدبي•~ :: حلم•~ القصص والروايات•~-
انتقل الى: